Gözəl

1941-ci ilin sərt qışında ağır yaralanan çavuş Nikolay Svetlov hospitaldan çıxır. Hərbi komandanlıq onu cəbhə əvəzinə Leninqrad zooparkına xidmətə göndərir. Zooparkın əməkdaşları aclıqla mübarizə apararaq heyvanları, xüsusən də Gözəl ləqəbli begemotu xilas etməyə çalışırlar.

Əvvəlcə bu təyinatı anlaşılmazlıq sayan və yenidən ön cəbhəyə can atan döyüşçü tədricən vəziyyəti fərqli qiymətləndirməyə başlayır. Heyvanlara göstərilən qayğı və zoopark işçilərinin fədakarlığı Nikolaya bu missiyanın blokadada olan şəhər sakinləri üçün nə dərəcədə böyük əhəmiyyət daşıdığını anladır.

«Gözəl» hərbi-tarixi filminin rejissoru Anton Boqdanovdur. 2025-ci il istehsalı olan dramda baş rolları Slava Kopeykin, Yuliya Peresild, Viktor Suxorukov və İvan Dobronravov canlandırıblar.