Ölüm qutusu

1862-ci ilin qışında konfederasiya alayı «ölüm qutusu» adlanan tələyə düşür. Dəstənin komandiri polkovnik Streyn yaralansa da, sağ qalmağı bacarır. Bir il sonra həmin yerdə federal əsgərlər amansızcasına çarmıxa çəkilir və bundan sonra hər iki cəbhənin döyüşçüləri naməlum şəkildə həlak olmağa başlayır.

Şimal ordusunun generalı qatilləri tapıb zərərsizləşdirmək tapşırığını kapitan Herlinqə həvalə edir. Lakin tapşırığı yerinə yetirməyə çalışan hərbçilər qarşılarındakı qüvvənin insan olmadığını anlayırlar. Onlar dirilmiş ölülərə, zombilərə bənzər varlıqlara qarşı mübarizə aparmaq məcburiyyətində qalırlar.

1993-cü ildə çəkilmiş «Ölüm qutusu» (Grey Knight) filminin rejissoru Corc Hikenluperdir. ABŞ istehsalı olan bu hərbi qorxu filmində əsas rolları Ceyson Uorkmen, Trevor A. Tarr, Billi Bob Tornton və Şon Uaytsell canlandırıb.