Üç nəfər meşədən çıxdı

Müharibə dövründə Yuliya, Pavel və Sergey adlı partizanlar xüsusi tapşırığı yerinə yetirmək üçün dəstədən ayrılırlar. Onlar uzaqda olarkən cəza dəstəsi partizanların düşərgəsini mühasirəyə alaraq bütün döyüşçüləri məhv edir. Sağ qalan yalnız həmin tapşırığa göndərilən üç nəfər olur.

İkinci Dünya müharibəsi başa çatdıqdan xeyli sonra istintaq orqanlarının əlinə köhnə bir sənəd keçir. Arxiv kağızlarından aydın olur ki, düşərgənin yeri düşmənə sağ qalmış həmin üç partizandan birinin satqınlığı nəticəsində bəlli olub. İndi köhnə silahdaşlar arasından əsl xainin kim olduğunu müəyyənləşdirmək lazımdır.

Konstantin Voinovun çəkdiyi «Üç nəfər meşədən çıxdı» filmi 1958-ci ildə SSRİ-də lentə alınıb. Baş rolları Valentin Zubkov, Lidiya Smirnova, Mixail Poqorjelski və Boris Smirnov canlandırıblar.