Mata Hari

Bu qadın hələ sağlığında əfsanəyə çevrilməyi bacarmışdı. Tarixçilər onun ikili casus fəaliyyətini birmənalı qiymətləndirmirlər: bəziləri bunu mənəvi zəiflik və hədsiz kinizm hesab edir, digərləri isə iti ağıl, böyük aktyorluq istedadı və insanları öz maraqları üçün yönəltmək bacarığı kimi görür.

Birinci Dünya müharibəsi illərində o, özünü İndoneziya rəqqasəsi kimi qələmə verərək ətrafdakıları ovsunlayırdı. Cəlbedici xarici görünüşündən məharətlə istifadə edən sirli qadın, Almaniya qərargahının zabitləri də daxil olmaqla, heyran etdiyi kişilərdən dövlət sirlərini öyrənərək beynəlxalq casusluq edirdi.

1985-ci ildə ABŞ-da istehsal olunmuş «Mata Hari» hərbi dram filminin rejissoru Körtis Harrinqtondur. Əsas obrazı Silviya Kristel canlandırıb, digər rollarda isə Ödön Doloq, İştvan Hunyadkürti və Malkolm Terris çəkiliblər.