Potop

Hadisələr XVII əsrdə, Reç Pospolitanın İsveç ordusunun hücumuna məruz qaldığı dövrdə cərəyan edir. Gənc zadəgan Andjey Kmitits dövlətə xəyanət edən hetmana sədaqət andı içir və nəticədə vəziyyətin girovuna çevrilir. Bu səbəbdən yaxınları ondan üz döndərir, sevgilisi Olenka Billeviç isə münasibətlərinə son qoyur.

Vətəndaşları onu xain saysa da, düşmən tərəf onu tərifləyir və yüksək qiymətləndirir. Öz elinə qarşı vuruşmaq məcburiyyətində qalan Kmitits ağır mənəvi iztirablar və fiziki zədələr yaşayır. O, əsirlikdən və saysız-hesabsız sınaqlardan keçərək qəhrəmanlıqlar göstərir, öz doğma yurdunu, itirilmiş şərəfini və sevgilisini geri qaytarmağa çalışır.

«Potop» tarixi filmi polyak rejissoru Yeji Qoffman tərəfindən Henrik Senkeviçin eyniadlı əsəri əsasında ekranlaşdırılıb. 1974-cü ildə Polşa və SSRİ-nin birgə istehsalı ilə çəkilən filmdə baş rolları Daniel Olbrıxski, Malqojata Braunek, Tadeuş Lomnitski və Kazimej Vixnyaj canlandırıb.