Bunker

Hadisələr Birinci Dünya müharibəsinin son dövrlərində cərəyan edir. Düşmənin aramsız artilleriya atəşindən xilas olmağa çalışan Britaniya və Amerika əsgərləri yeraltı istehkama sığınırlar. Döyüş meydanının ortasında tərk edilmiş bir sığınacaq tapan dəstə müvəqqəti olaraq təhlükədən uzaqlaşdığını düşünür.

Qapalı məkanda qalan hərbçilər daxildə taxta xaça mismarlanmış alman əsgəri ilə qarşılaşırlar. Xilas olmağa ümid edən dəstə üzvləri çox keçmədən burada daha qorxulu bir sınaqla üz-üzə qalırlar. Ətrafda baş verən izaholunmaz və dəhşətli hadisələr tədricən əsgərlərin ağlını itirməsinə səbəb olur.

«Bunker» trilleri 2022-ci ildə ABŞ-da rejissor Adrian Lenqli tərəfindən çəkilib. Hərbi filmin əsas rollarını Samuel Hantsman, Kayla Radomski, Lyuk Beyns və Eddi Ramos canlandırırlar.