Xuliqanlar

Harvard Universitetinin jurnalistika fakültəsində təhsil alan Mett Bakner etmədiyi bir cinayətə görə təhsil ocağından qovulur. Bütün planları alt-üst olan gənc çıxış yolunu Londonda yaşayan ailəli bacısı Şennonun yanına getməkdə tapır. Bacısının əri onu öz kiçik qardaşı Pitlə tanış edir.

Pit ilə yaranan yaxın münasibət Meti ingilis futbolunun pərdəarxası aləminə aparır. Keçmiş tələbə öz komandası yolunda hər şeyə hazır olan aqressiv azarkeşlərin sırasına qoşulur. Yeni dostluqlar qazanan gənc eyni zamanda təhlükəli qarşıdurmaların və gözlənilməz problemlərin içinə düşür.

«Xuliqanlar» filmi 2005-ci ildə ABŞ və Böyük Britaniyanın birgə istehsalı kimi ekranlara çıxıb. Rejissor Leksi Aleksandrın çəkdiyi bu dramda baş rolları Elayca Vud, Çarli Hannem, Kler Forlani və Mark Uorren canlandırıblar.