Dünyanın qurtaracağında

1945-ci ildə Vyetnam meşələrində baş verən toqquşma zamanı fransız əsgəri Rober Tassen möcüzə nəticəsində sağ qalır. Birlikdə xidmət etdiyi qardaşının həlak olduğu qanlı qırğından sonra o, cəsədlərlə dolu xəndəkdən təkbaşına çıxmağı bacarır.

Rober yaxınını itirdiyi üçün partizanlardan intiqam almaq niyyətinə düşür. Lakin yerli gənc qadınla tanışlıq və aralarında yaranan sevgi hissləri onun planlarını dəyişir. Bu duyğular səbəbindən düşmən saydığı insanlardan qisas almaq fikri artıq ona əvvəlki kimi doğru və vacib görünmür.

«Dünyanın qurtaracağında» (Les confins du monde) hərbi dram filmi 2018-ci ildə rejissor Giyom Niklu tərəfindən Fransada çəkilib. Baş rolları Kevin Yanssens, Fransua Neqre, Jerar Depardye və Conatan Kuzini canlandırıblar.