Qız atasını axtarır

Meşənin dərinliyində yerləşən daxmada qoca meşəbəyi balaca nəvəsi ilə birlikdə daldalanır. Günlərin birində kişi evə dörd yaşlı bir qız uşağı gətirir. O, sığınacaq verdiyi bu uşağın məşhur partizan komandiri Panas atanın qızı olduğundan xəbərsizdir.

Sadəlövh qoca fərqinə varmadan uşağın yerini gestapoçulara bildirir. Səhvini başa düşən meşəbəyi uşaqları təhlükədən qorumaq və onları xilas etmək üçün əlindən gələni etməyə qərar verir.

«Devochka ishchet otsa» filmini rejissor Lev Qolub çəkib. Hərbi dram janrında olan bu ekran əsəri 1959-cu ildə SSRİ-də lentə alınıb. Əsas rollarda Anna Kamenkova, Vladimir Quskov, Nikolay Barmin və Vladimir Dorofeyev çəkiliblər.