Ölüm keşikçisi

Hadisələr 1917-ci ildə, Birinci Dünya müharibəsi zamanı Qərb cəbhəsində cərəyan edir. Ağır döyüşdən sağ çıxan bir qrup britaniyalı əsgər, o cümlədən on altı yaşlı sıravi Çarli Şekspir qatı dumanda istiqaməti itirir. Düşmən arxasına düşən dəstə mürəkkəb yeraltı yolları olan tərk edilmiş alman səngərlərində sığınacaq tapır.

Komandanlıq bütün rotanı həlak olmuş hesab etdiyi üçün əsgərlərə heç bir kömək çatmayacaq. Təcrid olunmuş vəziyyətdə qalan döyüşçülər müdafiə olunmağa çalışırlar. Lakin tezliklə aydın olur ki, bu qaranlıq yeraltı keçidlərdə onları gözəgörünməz başqa bir təhlükə gözləyir.

«Ölüm keşikçisi» (Deathwatch) filmi 2002-ci ildə rejissor M. C. Bassett tərəfindən çəkilib. Böyük Britaniya və Almaniyanın birgə istehsalı olan bu hərbi qorxu dramında əsas rolları Ceymi Bell, Endi Serkis, Kris Marşall və Metyu Riz canlandırıblar.