Dovşan Coco

On yaşlı Yoxannes Betsler nasist təbliğatına səmimi qəlbdən inanan və Hitlergəncdə təmsil olunan çəkingən bir uşaqdır. Öz daxili dünyasında o, təxəyyülündə yaratdığı Adolf Hitler obrazı ilə dərdləşir. Lakin hərbi təlim düşərgəsində dovşanı öldürməkdən imtina etməsi ona lağlağı dolu bir ləqəb qazandırır, ardınca isə cəsarətini sübut etmək cəhdi qumbara partlayışı və yaralanma ilə nəticələnir.

Evə qayıtdıqdan sonra baş qəhrəman anasının hamıdan gizlətdiyi böyük bir sirrin üstünü açır. Məlum olur ki, anası evlərində yəhudi bir qızı gizlədir. Bu gözlənilməz kəşf Yoxannesin öyrəndiyi ideyalarla real həyat arasındakı ziddiyyətləri üzə çıxarır.

«Jojo Rabbit» filmi 2019-cu ildə rejissor Tayka Vaytiti tərəfindən çəkilib və o, həm də uşağın xəyali dostunu canlandırıb. Hərbi komediya və dram janrındakı ekran əsərində əsas rolları Roman Qriffin Devis, Tomasin Makkenzi və Skarlett Yohansson ifa ediblər. Layihə ABŞ, Almaniya, Çexiya və Yeni Zelandiyanın birgə istehsalıdır.