12-ci adam

Norveç müqavimət hərəkatının üzvləri ölkənin şimal-qərb sahillərinə tərəf yola çıxaraq alman aviabazasında təxribat törətməyi planlaşdırırlar. Lakin «Brattholm» gəmisi hələ dənizdə ikən alman hərbi gəmisinin hücumuna məruz qalır və batırılır. Döyüşçülər arasında yalnız Yan Bolsrud sağ qalmağı bacarır.

«12-ci adam» filminin qəhrəmanı sahilə çıxdıqdan sonra İsveç sərhədinə doğru irəliləməyə başlayır. Qestaponun təqibinə məruz qalan Yan sərt dağlıq ərazilərə sığınır. Güclü qar fırtınası zamanı o, tapdığı mağarada gizlənsə də, bu yer tezliklə onun üçün tələyə çevrilir.

Norveç istehsalı olan bu hərbi dram 2017-ci ildə rejissor Harald Zvart tərəfindən ekranlaşdırılıb. Əsas rolları Harri Van Qorkum, Trond Peter Ştamse Münx, Yuliya Bahe-Viiq və Torqni Qerhard Andera canlandırıblar.