Yaxşı

Hadisələr 1930-cu illərin Almaniyasında cərəyan edir. Ədəbiyyat professoru Con Halder bir tərəfdən şıltaq həyat yoldaşı, tələbkar uşaqları və qocalıq zəifliyindən əziyyət çəkən anasının qayğısına qalır, digər tərəfdən isə ləyaqətini qorumağa çalışır. Şəxsi problemlərini və daxili sıxıntılarını o, yazdığı yeni kitabında təhlil edir.

Gözlənilmədən bu əsər ölkənin nüfuzlu siyasi fiqurlarının diqqətini çəkir və dövlət təbliğatında istifadə olunmağa başlayır. Halder millətçilərin sıralarına daxil olaraq yeni bir kariyera qurmaq qərarına gəlir. Lakin ilk baxışdan sadə görünən bu addım alimi son dərəcə mürəkkəb mənəvi seçimlərlə üz-üzə qoyur.

«Good» adlı hərbi dram filmi 2008-ci ildə rejissor Visente Amorim tərəfindən ekranlaşdırılıb. Böyük Britaniya və Almaniyanın birgə istehsalı olan bu ekran əsərində baş rolları Viqqo Mortensen, Codi Uittaker, Deklan Hənniqan və Mayk Kelli canlandırıblar.