Günəbaxanlar

Antonio və Covanna hərbi xidmətdən möhlət almaq ümidi ilə tələsik evlənməyə qərar verirlər. Lakin bu hiylə gənc kişini cəbhədən xilas etmir və o, tezliklə İtaliyadan uzaqlara, Şərq cəbhəsinin qarlı çöllərinə göndərilir.

Müharibə başa çatdıqdan sonra Antoniodan heç bir xəbər çıxmır və o, itkin düşmüş hesab olunur. Ərinin həlak olması fikri ilə barışa bilməyən Covanna onun sağ qaldığına inanır. Son pullarını xərcləyərək onu axtarmaq üçün Sovet İttifaqına yollanan qadını orada gözlənilməz həqiqətlər qarşılayır.

1970-ci ildə çəkilmiş «The Sunflower» hərbi dram filmi İtaliya, Fransa və SSRİ-nin birgə istehsalıdır. Ekran əsərinin rejissoru Vittorio De Sikadır, baş rolları isə Sofi Loren, Marçello Mastroyanni, Lyudmila Savelyeva və Qalina Andreyeva canlandırıblar.