Döyüş meydanı

Birinci Dünya müharibəsinin son ayları arxada qalmaqdadır. Hərbi hospitalda çalışan həkim Stefano Corci cəbhədən gətirilən yaralıları sağaldır və ön cəbhəyə qayıtmamaq üçün özünə qəsdən xəsarət yetirən əsgərləri aşkara çıxarır. Digər həkim Culio isə əksinə, xəstələrin xidmətdən yayınmasına gizlicə yardım göstərir. Tibb bacısı Anna bu iki həmkarın səssiz qarşıdurmasının ortasında qalır.

Şəhərə qəfil yayılan ispan qripi epidemiyası vəziyyəti daha da çətinləşdirir. Artıq həkimlər təkcə müharibənin gətirdiyi bəlalarla deyil, sürətlə yayılan ölümcül xəstəliklə də mübarizə aparmaq məcburiyyətindədirlər.

2024-cü il istehsalı olan «Campo di battaglia» tarixi hərbi dramının rejissoru Canni Ameliodur. İtaliya istehsalı olan filmdə əsas obrazları Stefano Skerini, Melaniya Mennea, Cüzeppe Amelio və Françesko Buzolin canlandırıblar.