Fanninin səyahəti

Fransanın alman qoşunları tərəfindən işğalı dövründə anası on iki yaşlı Fanni Ben-Amini xüsusi pansionata yerləşdirir. Lakin uşaqların həyatı təhlükə altına düşəndə, Fanni kiçik bacıları Erika və Jorjetta ilə birlikdə oradan qaçmaq məcburiyyətində qalır. Onlara digər yəhudi yeniyetmələr də qoşulur.

Uşaqlar haraya getdiklərini dəqiq bilmədən yola çıxırlar. Bu təhlükəli səfər zamanı azsaylı böyüklər öz həyatlarını təhlükəyə ataraq balacalara gizlicə yardım etməyə çalışırlar. Yaşanan çətinliklər Fannini özündən kiçiklərə dayaq olmağa və məsuliyyət daşımağa vadar edir.

«Le voyage de Fanny» adlı hərbi dram filmi 2016-cı ildə Fransa və Belçika kinematoqrafçılarının birgə istehsalı kimi təqdim edilib. Ekran əsərinin rejissoru Lola Duayondur, əsas rolları isə Leoni Suşo, Fantina Arduin, Jülyan Leporo və Rayan Brodi canlandırıb.