Yaponiyanın ən uzun günü

1945-ci ilin avqustunda Yaponiya tam məğlubiyyət ərəfəsində idi. Şəhərlərin dağıdılması, iki atom zərbəsi, aclıq və çoxsaylı insan tələfatı ölkəni çıxılmaz vəziyyətə salmışdı. Nazirlər kabinetində isə fikir ayrılığı hökm sürürdü: bəziləri təslim olmağı zəruri sayır, digərləri isə şərəf naminə sonadək vuruşmağı tələb edirdi.

Ümumi razılığa gələ bilməyən hökumət üzvləri son sözü demək üçün imperatora müraciət etmək qərarına gəldilər. Xalqın çəkdiyi əzablara son qoymaq istəyən imperator öz səlahiyyətindən istifadə edərək dövlətin təslim olacağını bildirdi. "Yaponiyanın ən uzun günü" tarixi dramı ölkənin taleyini həll edən həmin saatları əks etdirir.

Bu ekran əsərini 1967-ci ildə rejissor Kihati Okamoto lentə alıb. Əsas rolları Seiji Miyaguchi, Rokko Toura, Chishu Ryu və So Yamamura canlandırıblar.