Sülh içində yaşamaq

Hadisələr İkinci Dünya müharibəsinin sonlarında sakit bir İtaliya kəndində cərəyan edir. Döyüş meydanlarından uzaqda qalan yerli sakinlər fəlakətlərin onlardan yan keçdiyini düşünür, kənddəki yeganə anbara isə tək bir alman əsgəri nəzarət edir. Qaçan donuz balasını axtarmaq üçün meşəyə gedən gənc qız və onun kiçik qardaşı gizlənən iki amerikalı hərbçiyə rast gəldikdə vəziyyət dəyişir; əsgərlərdən biri ağır yaralıdır.

Ətrafda düşmən əsgərlərini təslim edənlərə mükafat, onlara yardım göstərənlərə isə edam və evlərinin dağıdılmasını vəd edən elanlar vurulub. Təhlükəyə baxmayaraq, uşaqlar amerikalılara yemək və geyim daşıyır, sonra isə onları Tinya əminin tövləsində gizlədirlər. Tinya əmi yalnız hamı ilə mehriban dolanmaq və heç kimə zərər vermədən dinc gün keçirmək istəyən sadəlövh bir insandır.

«Vivere in pace» filmi 1947-ci ildə italyan rejissoru Luici Dzampa tərəfindən çəkilib. Komediya və hərbi dram xüsusiyyətlərini birləşdirən ekran əsərində baş rolları Aldo Fabritsi, Car Mur, Mirella Monti və Con Kitsmiller canlandırıb.