İlahların süqutu

Hadisələr 1933-cü ildə, Almaniyada nasist rejiminin formalaşdığı dövrdə cərəyan edir. Siyasi dəyişikliklər ölkənin ən iri metallurgiya sənayesinə sahib olan qüdrətli bir sülalənin daxili münasibətləri fonunda təqdim olunur.

Yeni rejimin təsiri ilə ailə üzvlərinin taleləri kəskin şəkildə haçalanır. Nəslin bəzi nümayəndələri həyatını itirir, digərləri ölkədən qaçmağa məcbur qalır, bəziləri isə vəziyyətdən yararlanaraq yüksək mövqelərə və böyük gücə sahiblənir.

«İlahların süqutu» («La caduta degli dei») adlı hərbi dram 1969-cu ildə rejissor Lukino Viskonti tərəfindən ekranlaşdırılıb. İtaliya, İsveçrə və AFR-in birgə istehsalı olan bu film rejissorun «alman trilogiyası»na daxildir, əsas rolları isə Dirk Boqard, İnqrid Tulin, Helmut Qrim və Helmut Berqer canlandırıb.