Kitab oğrusu

İkinci Dünya müharibəsinin astanasında doqquzyaşlı Lizel Münhen yaxınlığında yaşayan ögey valideynlərinin yanına köçür. Yeni ailəsinin dəstəyi ilə qızcığaz oxumağı öyrənir. Zaman keçdikcə mütaliə onun üçün gündəlik ehtiyaca və sığındığı əsas mənəvi dayağa çevrilir.

Kitablara olan bağlılıq Lizeli onları oğurlamağa vadar edir, çünki bu vərəqlər onun həyatındakı yeganə təsəllidir. Oxuduğu hər sətir qıza ətrafında cərəyan edən dəhşətləri — yəhudilərin təqibini, antifaşist hərəkatını, aclığı və təhqirləri anlamağa kömək edir. Baş verən bütün bu hadisələr tədricən onun şəxsi həyat yolunu formalaşdırır.

«Kitab oğrusu» hərbi dram filmi 2013-cü ildə rejissor Brayan Persival tərəfindən çəkilib. ABŞ, Böyük Britaniya və Almaniyanın birgə istehsalı olan bu kinolentdə baş rolları Sofi Neliss, Ceffri Raş, Emili Uotson və Ben Şnetser canlandırıblar.