Barça Dreams

İspaniyanın məşhur «Barselona» komandası sadəcə idman klubu çərçivəsindən çoxdan çıxıb. «Barça Dreams» sənədli filmi bu nəhəng klubun daxili aləminə nəzər salaraq onun qlobal miqyasda qazandığı böyük nüfuzun köklərini araşdırır.

Ekran əsəri onilliklər boyu kataloniyalıların oyun tərzini və fəlsəfəsini formalaşdıran mühüm şəxsiyyətlərdən bəhs edir. Komandanın tarixində silinməz iz qoymuş əfsanəvi futbolçular və baş məşqçilər çəkilişlərdə şəxsən iştirak edərək mühüm dövrlər haqqında xatirələrini bölüşürlər.

İspaniya istehsalı olan bu layihəni 2015-ci ildə rejissor Jordi Llompart ərsəyə gətirib. Kadrlarda Yohan Kroyff, Xose Mariya Bakero, Xose Ramon Alexanko və jurnalist Ramon Besa kimi tanınmış simalar yer alıb.