Uimbldon

Piterin peşəkar tennis karyerası eniş dövrünü yaşayır, şəxsi həyatında da işlər qaydasında getmir. Lakin bəxti gətirir və gözlənilmədən ən nüfuzlu yarışlardan biri sayılan Uimbldon turnirində iştirak hüququ qazanır. Bu hadisə onun üçün hər şeyi dəyişmək imkanı yaradır.

Kortda o, gənc və iddialı amerikalı tennisçi Lizzi ilə qarşılaşır. Çox keçmədən ona aşiq olan Piter daxilində yeni bir güc və inam hiss edir. Hisslərindən ilham alan idmançı təcrübəsini nümayiş etdirərək yarış cədvəlində addım-addım irəliləyir.

«Uimbldon» filminin rejissoru Riçard Lonkreyn olub. ABŞ, Böyük Britaniya və Fransanın birgə istehsalı olan bu 2004-cü il ekran işində əsas rolları Pol Bettani, Kirsten Danst, Sem Nil və Con Favro canlandırıb.