Böyük ağ fırıldaq

Boks sadəcə idman deyil, həm də böyük pullar və mərc oyunları meydanıdır. Ağır çəkidə çempion Ceyms Roperin meneceri Fred Sultan qazanc əldə etmək üçün hər cür yola əl atmağa hazır olan təcrübəli təşkilatçıdır. O, növbəti döyüşün böyük gəlir gətirməsi üçün adi rəqiblə kifayətlənməyib qalmaqallı bir qarşılaşma hazırlamaq qərarına gəlir.

Menecer vaxtilə Roperə qalib gəlmiş, lakin çoxdan böyük idmandan uzaqlaşmış ağdərili boksçu Teri Konklini rinqə qaytarmaq istəyir. Fred asan qələbə və böyük gəlir hesablasa da, bu dəfə onun dəqiq intuisiyası yanılır və hadisələr lap əvvəldən gözlənilməz istiqamət alır.

ABŞ istehsalı olan «Böyük ağ fırıldaq» (The Great White Hype) idman komediyasını rejissor Recinald Hadlin lentə alıb. 1996-cı ildə çəkilən filmdə baş rolları Deymon Uayans, Lamont Conson, Qreq Holts kiçik və Çiç Marin canlandırıb.