Saçin

Mumbayda böyüyən dəcəl bir oğlanın həyatı böyük bacısının ona kriket zopası hədiyyə etməsi ilə tamamilə dəyişir. 1983-cü ildə Hindistan yığmasının dünya kubokundakı qələbəsini izləyən on yaşlı Saçin Tendulkar bütün gələcəyini bu idman növünə həsr etmək qərarına gəlir.

Gənc idmançını qarşıda gərgin və yorucu məşq günləri gözləyir. Ciddi məşqçi Ramakant Açrekarın tələbləri, böyük qardaşı Acitin dəstəyi və ailəsinin arxasında durması gəncin peşəkar kriket aləminə doğru addımlamasına yol açır.

"Sachin" sənədli filmini rejissor Ceyms Erskin ərsəyə gətirib. 2017-ci ildə Hindistanda çəkilmiş bu bioqrafik ekran əsərində Saçin Tendulkarın şəxsi xatirələri və Mayur Mor, Mayuresh Pem və Akşay Bhaqatın iştirak etdiyi səhnələr yer alır.