Məzəli futbol

Adı «Qələbə» olsa da, bu Çin futbol komandası turnir boyu ancaq məğlubiyyətlərlə üzləşir. Bütün mövsüm ərzində bircə qol belə vura bilməyən klub iflas həddinə çatır. Baş məşqçi kollektivi tərk edir, komandanın sahibəsi isə artıq oyunçuların maaşlarını və yığılmış borcları ödəməyə vəsait tapmır.

Belə bir çətin məqamda meydana çıxan bir marketoloq vəziyyəti xilas etmək üçün qeyri-adi bir üsul təklif edir. O, futbolçulara meydanda qəsdən gülməli fintlər etməyi, qaydaları pozub diqqət çəkməyi və beləcə sponsorların reklamını nümayiş etdirməyi öyrədir. Bu qəribə anların videoları sosial şəbəkələrdə sürətlə yayılaraq kluba çoxdan gözlənilən gəlir və reklam müqavilələri gətirir.

«Məzəli futbol» adlı idman komediyasını rejissor Lam Tze-Chung ərsəyə gətirib. Ekran işi 2016-cı ildə Çində istehsal olunub. Əsas obrazları Şin, Çan Ho-Man, Luis Çonq və Hou Minhao canlandırıblar.