Böyüklük maniyası

Kral xəzinəsinə vergi yığan tamahkar məmur heç nədən çəkinmədən dövlətin qızıllarını mənimsəyir. O, varlıların daha da varlanmalı olduğuna, kasıbların isə yoxsulluq içində qalmalı olduğuna ürəkdən inanır. Lakin onun hiyləgər nökəri Rüi Blaz belə xəsis bir ağaya boyun əymək niyyətində deyil və fürsət tapdıqca ona kələk gəlir.

Nökər ağasının hədsiz acgözlüyündən və tərifə olan sevgisindən məharətlə istifadə edir. O, sahibini İspaniya kraliçasının könlünü ovlamağa təhrik edərək böyük bir oyun qurur. Əslində isə bu təhlükəli oyunda hiyləgər xidmətçinin öz gizli maraqları var, çünki kraliça onun özünün də xoşuna gəlir.

«Böyüklük maniyası» komediya filmini fransız rejissoru Jerar Uri çəkib. 1971-ci ildə Fransa, İspaniya, İtaliya və AFR-in birgə istehsalı kimi təqdim edilən bu filmdə baş rolları Lui de Fünes, İv Montan, Alis Sapriç və Karin Şubert canlandırıb.