Ni vu, ni connu

Monpanyar Fransanın ən sakit guşələrindən biri hesab olunur, lakin bazar alverçisi Blero bu əmin-amanlığı tez-tez pozur. Rəsmi olaraq göbələk satan bu şəxs tələbatın çoxluğundan istifadə edərək gizlincə balıq ovlayır və qanunsuz satır. Yerli jandarmalar nə qədər çalışsalar da, hiyləgər ovçunu cinayət başında yaxalaya bilmirlər.

Jandarmlardan birinə hücum edildikdə isə bütün şübhələr dərhal Bleronun üzərinə yönəlir və onu bir aylıq həbsə atırlar. Çox keçmədən əsl günahkar ortaya çıxır və qəhrəman azadlığa qovuşacağını gözləyir. Lakin hadisələrin gedişatı tamamilə başqa məcraya yönəlir.

1958-ci ildə ekranlara çıxan «Ni vu, ni connu» komediyasının rejissoru İv Roberdir. Filmdə əsas rolları Lui de Fünes, Noel Adam, Frederik Düval və Klod Riş canlandırıblar.