Mənimlə evlənərsən?

Öz əsəblərinə hakim ola bilməməsi Samir üçün həmişə problem yaradır. Doğma şəhərindəki insanlarla münasibətləri korlanan gənc hər şeyi arxada qoyaraq Qoadakı çimərliklərin birinə xilasedici işləməyə yollanır. O, gəldiyi ilk gündəcə gözəl Rani ilə rastlaşır və qıza vurulur. Lakin elə həmin gün təsadüfən Raninin atasını incidərək vəziyyəti çətinləşdirir.

Samir sevgilisinin və onun ailəsinin könlünü almağa çalışarkən növbəti sınaqla üzləşir. Onun qonşuluğuna Sanni adlı hiyləgər bir gənc köçür və deyilən kəhanətə görə həmin şəxs onun sevgilisini əlindən almalıdır. Qarşıda Samiri çoxsaylı maneələr və rəqabət dolu mübarizə gözləyir.

Rejissor Devid Dhavanın çəkdiyi «Mənimlə evlənərsən?» (Mujhse Shaadi Karogi) filmi 2004-cü ildə Hindistanda istehsal olunub. Əsas rolları Salman Xan, Akşay Kumar, Priyanka Çopra Conas və Amriş Puri canlandırıblar.