Super gəlin

Sərdar və Diananın yolları boulinq klubunda kəsişir və bu təsadüfi tanışlıq böyük sevgiyə çevrilir. Hər iki tərəfin valideynləri bu qərara narazı yanaşsalar da, cütlük qısa müddətdə evlənməyə qərar verir.

Fərqli bir mühitdə böyüyən Diana üçün ər evinin qayda-qanunlarına alışmaq və deyingən qayınana ilə dil tapmaq xeyli çətin olur. Gənc qadın ailədə harmoniyaya çatmaq üçün Özbəkistanın milli adət-ənənələrini dərindən öyrənir və qadın fəhminə arxalanaraq qayınanasının qəlbinə yol tapmağa çalışır.

2008-ci il istehsalı olan «Super Kelinchak» melodramik komediyasının rejissorları Bəhrom Yaqubov və Tamara Moiseyevadır. Özbəkistanda lentə alınan filmin baş rollarını Diana Yaqafarova, Adiz Rəcəbov, Murad Rəcəbov və Səidə Rametova canlandırıb.