Ishq Vishk

Raciv dostları ilə birlikdə piknikə yollanmaq istəyir, lakin oraya yalnız cütlüklər buraxılır. Bu səbəbdən o, Payala qarşı hissləri varmış kimi davranmağa başlayır. Qız çoxdandır ona rəğbət bəslədiyi üçün bu yaxınlaşmanı sevinclə qarşılayır və gəncin səmimiliyinə inanır.

Səfər zamanı Raciv yaxınlıq tələb etsə də, ənənəvi qaydalarla böyüyən Payal bundan imtina edir. Nəticədə cütlük mübahisə edərək ayrılır. Hirsini boğa bilməyən oğlan hər kəsin qarşısında kollecdəki istənilən qızı özünə aşiq edə biləcəyini iddia edir. Çox keçmədən kollecə Alişa adlı yeni bir tələbə gəlir.

«Ishq Vishk» filmi 2003-cü ildə Hindistanda istehsal olunub. Romantik komediya janrında çəkilən ekran əsərinin rejissoru Ken Qxoşdur. Baş rolları Şahid Kapur, Amrita Rao, Şehnaz Trisuryavala və Vişal Malxotra canlandırıb.