Əlində fəlafellə öldü

Otuz yaşına çatan Denni müxtəlif insanlarla bir yerdə yaşamağa artıq alışıb və saysız-hesabsız ev yoldaşı dəyişib. Onun ən son məskunlaşdığı mənzil səliqəsiz oğlanlar və daha yaxından tanımağa dəyər Sem adlı gənc qızla doludur. Lakin Denni yarım il əvvəl bitən uğursuz münasibətinin kədərinə qapılaraq ətrafdakılardan uzaq durmağa çalışır.

Qəfildən onun həyatına daxil olan Anya bu durğunluğa son qoyur. Yeni tanışlıq sayəsində gənc oğlan yenidən sevməyə hazır olduğunu hiss edir. Çox keçmədən isə Anyanın məhz onun ev yoldaşı Semlə görüşdüyü üzə çıxır.

«He Died with a Felafel in His Hand» komediya filmi rejissor Riçard Lovenşteyn tərəfindən lentə alınıb. İtaliya və Avstraliyanın birgə istehsalı olan bu ekran əsəri 2001-ci ildə işıq üzü görüb. Baş rolları Noa Teylor, Emili Hemilton, Roman Borinje və Sofi Li canlandırıblar.