Təcrübəçi

Yetmiş yaşlı dul qoca Ben Uitaker təqaüdə çıxsa da, dörd divar arasında oturmaq istəmir. Həyatına yenidən hərəkət qatmaq qərarına gələn qocaman qəhrəman dəbli geyimlərin onlayn satışı ilə məşğul olan internet mağazasında yaşlılar üçün nəzərdə tutulmuş təcrübəçi proqramına qatılır.

Şirkəti gənc və işgüzar Culz Ostin idarə edir və onun hər günü gərgin qrafiklə keçir. Ben yeni texnologiyalarla dolu bu müasir ofis mühitinə uyğunlaşmalı, cavan kollektivlə dil tapmalı və illərin sınağından çıxmış zəngin həyat təcrübəsi sayəsində rəhbərinə dəstək olmalıdır.

«Təcrübəçi» (The Intern) komediya və melodram filminin rejissoru Nensi Mayersdir. 2015-ci ildə ABŞ-da çəkilmiş ekran əsərində baş rolları Robert De Niro, Enn Heteuey, Rene Russo və Anders Holm canlandırıb.