M.-yə məktublar

Mikołaj adlı məşhur radio aparıcısı canlı efirə zəng edən dinləyicilərin dərdlərinə şərik olur və hər kəsə təsəlli tapır. Lakin öz həyatını nizama salmaq ona asan başa gəlmir. O, Milad axşamını artıq neçə vaxtdır ki, evdə yox, studiyada köməkçisi ilə birgə iş başında keçirir.

Onun balaca oğlu Kostek isə evdə tək qalaraq atasının səsini radiodan dinləməyə məcbur olur. Bayram ərəfəsində bir-birindən fərqli qəhrəmanların taleləri kəsişir və hər biri öz şəxsi qayğılarına çarə axtarır.

2011-ci il istehsalı olan «Listy do M.» filminin rejissoru Mitja Okorndur. Polşa istehsalı bu melodramatik komediyada əsas rolları Maciej Stuhr, Roma Gąsiorowska, Tomasz Karolak və Agnieszka Dygant canlandırıb.