Xəsis

Olduqca varlı olan Harpaqon qeyri-adi dərəcədə simic adamdır və heç kimə güvənmir. Qızıl sikkələrlə dolu sandığını bağçasında basdıran qoca, xəzinəsini ev sakinlərindən gizlətmək üçün daim keşik çəkir. Onun bu xasiyyətindən cır-cındır içində işləyən xidmətçilər və öz övladları əziyyət çəkir. Maddi mənfəət güdən ata qızı Elizanı cehiz tələb etməyən qoca Anselmə ərə vermək, oğlu Kleantı isə yaşlı bir dul qadınla evləndirmək niyyətindədir.

Lakin gənclərin qəlbi tamamilə başqa sevgilərlə doludur. Eliza vaxtilə onun həyatını xilas edən və kimliyini gizlədərək bu evdə idarəçi işləyən zadəgan Valerə aşiqdir. Kleant isə anası ilə birgə yaşayan yoxsul qız Mariannaya könül verib. Atalarının onları anlamayacağını bilən bacı və qardaş öz talelərini onun razılığı olmadan həll etməyə çalışırlar.

Fransa istehsalı olan «L'avare» («Xəsis») komediya filmi 1979-cu ildə rejissorlar Lui de Fünes və Jan Jiro tərəfindən ekranlaşdırılıb. Baş rolu Lui de Fünes canlandırıb, digər rollarda isə Frank Sabot, Erve Bellon və Jorj Oduber çəkiliblər.