Komiklər

«Komiklər» komediya filmi fərsiz personajların başına gələn altı gülməli əhvalatı təqdim edir. Hər şey iki yöndəmsiz rəngsazın kilsədəki toy mərasiminə gəlməsi və oranı alt-üst etməsi ilə başlayır. Hadisələr növbəti epizodlarda maşın sahiblərini cana yığan bacarıqsız mexaniklərin və mehmanxana sahibinə mal satmaq istəyərkən vurduqları ziyanı ödəmək məcburiyyətində qalan satıcıların macəraları ilə davam edir.

Dəfn bürosunun əməkdaşları isə öz hərəkətləri ilə mərhumun yaxınlarını çıxılmaz vəziyyətə salırlar. Həftəsonu dəniz sahilinə dincəlməyə gedən dostlar çimərlikdə əsl qarışıqlıq yaradırlar. Sonuncu hekayədə isə iki yoldaşın əsl mafiya üzvlərinə əkiz kimi bənzəməsi onların başına yeni problemlər açır.

1990-cı ildə çəkilmiş bu İtaliya filminin rejissoru Neri Parentidir. Əsas obrazları Renato Potstsetto, Paolo Villacco, Entso Kannavale və Fabio Traversa canlandırıb.