Valideynlərlə tanışlıq

Tibb qardaşı Qreq Faker sevgilisi Pemin valideynləri ilə görüşmək və evlilik təklifi etmək üçün şəhərdən kənara yola düşür. O, qızın ailəsi ilə yaxından tanış olmaq və onların razılığını almaq niyyətindədir. Lakin Qreqin bəxtsizliyi və qarşısıalınmaz yöndəmsizliyi hər xeyirxah addımını gözlənilməz uğursuzluqlara çevirir.

Pemin atası Cek Börnsün keçmişi ortaya çıxanda qonaqlıq daha da mürəkkəbləşir. Keçmiş MKİ əməkdaşı olan ata qızının sevgililərini ciddi sınaqlardan keçirməyə alışıb. Yeni namizədi yaxından yoxlamaq qərarına gələn Cek hətta yalan detektorundan istifadə etməkdən belə çəkinmir.

ABŞ istehsalı olan «Valideynlərlə tanışlıq» adlı komediya filmi 2000-ci ildə rejissor Cey Rouç tərəfindən çəkilib. Əsas rolları Ben Stiller, Robert De Niro, Teri Polo və Blayt Danner paylaşıblar. Bu layihə «Fakerlərlə tanışlıq» silsiləsinin ilk filmidir.