Brodveyli Barkli cütlüyü

Coş və Dina Barkli məşhur rəqqas cütlük olaraq səhnədə böyük şöhrət qazanıblar. İctimaiyyət və mətbuat nümayəndələri hər yerdə onların addımlarını izlədiyi üçün ər-arvadın təklikdə danışmağa belə vaxtı qalmır. Kənardan qüsursuz görünən bu parlaq həyatın arxasında isə fikir ayrılıqları gizlənir.

Dina artıq sadəcə musiqili nömrələrlə kifayətlənmək istəmir, o, gənc dramaturq Jak Barretunun tamaşasında Sara Bernar obrazını canlandırmağı arzulayır. Coş isə xanımının bu istəyini bəyənmir, onu həm teatra, həm də pyesin müəllifinə qısqanmağa başlayır. Getdikcə böyüyən bu narazılıq qarşısıalınmaz komik hadisələr zəncirinə yol açır.

1949-cu ildə ABŞ-da istehsal olunmuş «The Barkleys of Broadway» musiqili komediyasının rejissoru Çarlz Uoltersdir. Baş rolları əfsanəvi tandem Fred Aster və Cincer Rocerslə yanaşı Oskar Levant və Billi Börk canlandırıb.