Şah və mat

Kandela uzun illər nüfuzlu bir kollecdə dərs deyir və peşəkar uğurlar qazanırdı. Lakin qəfil dəyişikliklərdən sonra o, adi məhəllə məktəbinə keçməli olur. Burada müəlliməni tamamilə fərqli bir mühit və çətin ailələrdən olan yeniyetmələr qarşılayır.

Şagirdlərlə ümumi dil tapmağa çalışan Kandela onları fərqli bir məşğuliyyət ətrafında birləşdirmək qərarına gəlir. O, bu kənarlaşdırılmış gənclərə şahmatın sirlərini öyrətməyə başlayır. Beləliklə, məktəbin çətin komandasının qarşısında ölkə çempionu olmaq üçün real bir fürsət yaranır.

İspaniya istehsalı olan «Menudas piezas» («Şah və mat») komediya filmi 2024-cü ildə ekranlara çıxıb. Layihənin rejissoru Naço Q. Velilyadır, əsas rolları isə Aleksandra Ximenes, Luis Kalexo, Rosio Velayos və Pablo Luazel canlandırıblar.