Ona inanma

Hiyləgər fırıldaqçı Yon-cu həbsxanadan vaxtından əvvəl azadlığa buraxılır və bacısının yanına getmək üçün qatara minir. Səfər zamanı o, Seula sevgilisinə evlilik təklifi etməyə tələsən Hi-çhol ilə tanış olur. Həmin vaxt oğrunun biri oğlanın nişan üzüyünü cibindən çıxarır. Keçmiş məhkum kimi şübhələrin onun üzərinə düşəcəyindən və yenidən dəmir barmaqlıqlar arxasına qayıdacağından qorxan Yon-cu stansiyada düşüb oğrunu yaxalayır. Üzüyü geri alsa da, qatar gedir və bacısı üçün aldığı toy hədiyyəsi vaqonda qalır.

Çantasını geri götürmək və üzüyü sahibinə qaytarmaq üçün Yon-cu Hi-çholu axtarıb tapmalı olur. Lakin o, oğlanın ailəsinin qarşısına əlində nişan üzüyü ilə çıxanda qohumlar tamam başqa nəticəyə gəlirlər. Ailə üzvləri onu gəlin kimi qəbul edir, qızın yalan danışmaq bacarığı isə bu gülməli anlaşılmazlığı daha da böyüdür.

«Ona inanma» romantik komediya filmi rejissor Pe Hyon-cun tərəfindən çəkilib. Cənubi Koreya istehsalı olan ekran işi 2004-cü ildə nümayiş olunub. Baş rolları Kim Ha-nıl, Qan Don-von, Son Ce-ho və Nam San-mi canlandırıblar.