Valideynlərin tanışlığı

Uşaq evində böyüyən Fyodor zəkası və əzmkarlığı sayəsində həyatda uğur qazanmağı bacarıb. Günlərin birində o, varlı bir ailənin qızına aşiq olur. Lakin qızın qohumları gəncin sosial statusundan və mənşəyindən narazı qalaraq bu münasibətə qarşı çıxırlar.

Gəlinin ailəsi toya yalnız bir şərtlə razılıq verəcəyini bildirir: onlar bəyin valideynləri ilə mütləq görüşməlidirlər. Həyatında heç vaxt ana və atasını görməyən Fyodor üçün bu tələb qeyri-mümkün görünsə də, o, sevgisi naminə hər çətinliyə qatlaşmağa hazırdır.

«Valideynlərin tanışlığı» («Знакомство родителей») komediya filmi rejissor İvan Kapitonov tərəfindən lentə alınıb. 2024-cü il istehsalı olan bu Rusiyaya məxsus ekran əsərində baş rolları Taras Şevçenko, Yelena Nikolayeva, Aleksandr İlyin kiçik və Anastasiya Talızina canlandırıblar.