Mənim adım Qızbolsundur

Müstəntiq köməkçisi Adil patriarxal ailənin tək oğludur. Vəzifəsini möhkəmləndirmək naminə rəhbərliyinə yarınaraq, yoldaşına əl qaldıran yüksəkçinli məmur oğlunu məhkəmədə cəzadan qurtarır. Qəfildən o, qadın və kişi rollarının tamamilə tərsinə dəyişdiyi paralel bir dünyaya düşür.

Bu fərqli cəmiyyətdə Adil kişilərə yönəlmiş qərəz və haqsızlıqla üz-üzə qalır. Yaşadıqları onun gender bərabərliyinə baxışını dəyişir və o, məişət zorakılığı qurbanına kömək etməyi qərara alır. Ədalət naminə atdığı addımlara görə prokurorluqdan uzaqlaşdırılsa da, geri çəkilməyərək müstəqil hüquq müdafiəçisi yolunu seçir.

Qazaxıstan istehsalı olan «Mənim adım Qızbolsundur» komediya filminin rejissoru Maksat Ospanovdur. 2024-cü il ekran işində əsas obrazı Elaman Yesentayev canlandırıb, digər rollarda isə Azat Seytmetov, Aziz Beyşenaliyev və Mansar Orınxan çəkiliblər.