Hündürboy sarışının qayıdışı

Fransua Perren sevgilisi Kristinlə birlikdə Rio-de-Janeyroda dinc həyat sürür. Lakin Parisdə yeni nazir Milanın qovluğunu araşdırır və polkovnik Tuluzdan sirli casusu onun hüzuruna gətirməsini tələb edir. Kapitan Kambre tərəfindən ifşa olunmaqdan qorxan polkovnik sarışının guya tropiklərdə öldüyünü bildirir, lakin nazir cənazənin fəxri dəfn üçün gətirilməsini əmr edir. Özünü xilas etmək istəyən Tuluz Perreni aradan qaldırmaq üçün Braziliyaya qatillər yollayır.

Qəsd planından təsadüfən sağ çıxan musiqiçini təslim etmək üçün polkovnik Kristini oğurlayır. Perren Fransaya dönərək nazirin qarşısında peşəkar kəşfiyyatçı rolunu oynamağa məcbur qalır. Lakin nazir ona təhlükəli tapşırıq vermək niyyətindədir, Tuluz isə hər şeyi bilən sarışını birdəfəlik məhv etmək istəyir. Çətin vəziyyətə düşən Fransuanın köməyinə dostu Moris çatır.

«Le retour du grand blond» komediya filmi 1974-cü ildə Fransada rejissor İv Rober tərəfindən çəkilib. Əsas rolları Pyer Rişar, Jan Karme, Jan Roşfor və Mirey Dark canlandırıblar.