Xameleon

Fransua Pinyon rezin məmulatları istehsal edən zavodda sıravi mühasib işləyir. İş yoldaşlarının söhbətinə təsadüfən qulaq müsafiri olan sakit xarakterli Fransua tezliklə rəhbərlik tərəfindən işdən çıxarılacağını öyrənir. Bu xəbərdən dərin sarsıntı keçirən kişi eyvandan atılaraq həyatına son qoymaq qərarına gəlir.

Lakin qonşusu son anda vəziyyətə müdaxilə edərək onun intihar etməsinin qarşısını alır. Pinyonun başına gələnləri dinləyən qonşu məsələni qeyri-adi bir yolla yoluna qoymağı təklif edir. Beləliklə, iş yerində qalmaq xatirinə kiçik bir saxtakarlıq edilir və kollektiv arasında səs-küylü şayiələr yayılır.

Fransa istehsalı olan «Xameleon» (Le placard) komediya filmi 2001-ci ildə rejissor Fransis Veber tərəfindən çəkilib. Ekran işində əsas rolları Daniel Otoy, Jerar Depardye, Terri Lermitt və Mişel Larok canlandırıblar.