Dalini gözləyərkən

İki qardaş Salvador Dalinin evinin yaxınlığında yerləşən balaca bir restoranda aşpaz kimi işə düzəlirlər. Bu məkan gənclərdə azadlıq hissini, yaradıcılıq eşqini və romantik duyğuları alovlandırır.

Restoran sahibi isə dahi rəssamın ən böyük pərəstişkarlarından biridir və onun gəlişini səbirsizliklə arzulayır. Sahibkar ustad sənətkarın nə vaxtsa onun müəssisəsinə qədəm basması və təamlarını dadması üçün əlindən gələn hər şeyi edir.

İspaniya istehsalı olan «Esperando a Dalí» filmini 2023-cü ildə rejissor David Pujol lentə alıb. Komediya və melodram janrındakı ekran əsərində baş rolları Xose Qarsiya, İvan Masseqe, Pako Tous və Nikolya Kazale canlandırırlar.