Gecə nağılı

Varlı qadınların etibarından istifadə edən iki fırıldaqçı tamamilə fərqli üsullarla fəaliyyət göstərir. Benson qadınlara yuxarıdan aşağı baxır, onları yoldan çıxarmaq və dərhal tərk etmək üçün müxtəlif hiylələr qurur. Ceymison isə daha təcrübəlidir: o, özünü sürgün edilmiş şahzadə kimi təqdim edir, qurbanlarından təkcə diqqət deyil, həm də dövlət çevrilişi bəhanəsi ilə qiymətli zinət əşyaları alır.

Yolları kəsişən bu iki kələkbaz hansının daha bacarıqlı olduğunu sübut etmək üçün mərcə girir. Qalib gələn tərəf Rivyeradakı balaca kurort şəhərciyində təkbaşına fəaliyyət göstərmək hüququ qazanacaq. Beləliklə, növbəti qurban uğrunda kəskin mübarizə başlayır.

«Bedtime Story» filmi 1964-cü ildə ABŞ-da istehsal olunub. Komediya janrında çəkilən filmin rejissoru Ralf Levi, baş rol ifaçıları isə Marlon Brando, Devid Niven, Şirli Cons və Dodi Qudmendır.