Bax, kim danışır

Molli körpəsini təkbaşına böyütməyə hazırlaşır. Doğuş gözlənilmədən başlayanda ona xəstəxanaya çatmaqda xeyirxah taksi sürücüsü Ceyms kömək edir. Bu təsadüfi tanışlıq dostluğa çevrilir və sürücü Mollinin Miki adlı balaca oğluna dayəlik etməyə başlayır.

Ətrafdakıların xəbəri olmasa da, körpənin maraqlı bir xüsusiyyəti var. Miki hələ doğulmamışdan əvvəl daxili səsə sahibdir və dünyada baş verən hər şeyi anlayır. O, böyüklərin həyatı haqqında düşündüklərini hələlik yalnız öz daxilində səsləndirə bilir.

ABŞ istehsalı olan «Look Who's Talking» komediyası 1989-cu ildə rejissor Emi Hekerlinq tərəfindən çəkilib. Baş rolları Con Travolta, Körsti Elli, Olimpiya Dukakis və Corc Siqal canlandırıblar.