Yankee Zulu

Biri ağ dərili afrikaner, digəri isə zulu xalqından olan iki uşaq hələ kiçik yaşlarından ağlasığmaz dəcəllikləri ilə seçilirdi. Onların birgə qurduğu tələlər və oyunlar məşhur «Evdə tək» filminin qəhrəmanı Kevininkindən heç də geri qalmırdı. Lakin tale bu iki uşaqlıq dostunu uzun illər boyu bir-birindən ayrı salır.

İyirmi beş il sonra yenidən bir araya gələn yoldaşlar keçmiş günləri xatırlayaraq böyük bir macəraya atılırlar. Qəhrəmanlar yarım milyon dollar oğurladıqdan sonra arxalarınca düşən təqibçilərdən qaçmağa məcbur qalırlar. İzlərini itirmək üçün onlar televiziya qrim otağından istifadə edirlər: ağ dərili qəhrəman qaraya, zulu dostu isə ağ dərili adama çevrilir.

Cənubi Afrika Respublikasında istehsal olunan «Yankee Zulu» komediya filmi 1993-cü ildə rejissor Qrey Hofmeyr tərəfindən çəkilib. Əsas rollarda Leon Şuster, Con Matşikiza, Vilson Danster və Terri Triz çıxış edirlər.