Beşbarmaq

Daulet yol kənarındakı kiçik bir kafedə çalışır. Günlərin birində bu məkana Almatıdan tanınmış və tələbkar bir restoran sahibi təşrif buyurur. Nüfuzlu qonağa nə təqdim edəcəyini bilməyən gənc, çıxış yolunu nənəsinin böyük qayğı ilə bişirdiyi beşbarmağı süfrəyə verməkdə tapır. Yeməyin dadı restoran rəhbərini heyran qoyur və o, Dauletə dərhal iş təklif edir.

Bu gözlənilməz təklifi qəbul edən gənc özünü çətin bir sınağın içində tapır. Daulet qısa zaman ərzində mətbəx sirlərinə yiyələnməli və bu ənənəvi təamı tam nənəsinin hazırladığı kimi bişirməyi öyrənməlidir.

Qazaxıstan istehsalı olan «Beşbarmaq» komediya filmi 2023-cü ildə işıq üzü görüb. Ekran əsərinin quruluşçu rejissoru Beybit Onerdir. Əsas rolları Ramazan Amantay, Ayan Ötepbergen, Roza Mukatayeva və Kuandık Şakirjanov canlandırıblar.