Qu'est-ce qu'on a fait au bon Dieu?

Verney cütlüyü dörd qız böyüdən mühafizəkar və hörmətli fransız ailəsidir. Qızların ərə getməsi valideynlər üçün çətinlik yaratmasa da, seçimləri onları xeyli təəccübləndirir. Belə ki, böyük qızlar ard-arda ərəb, yəhudi və çinli bəylərlə ailə qururlar.

Valideynlərin ənənəvi kürəkən arzusu artıq sonuncu, dördüncü qıza bağlı qalır. Lakin kiçik qız da tezliklə toy xəbərini verir və onun seçdiyi nişanlının qaradərili olduğu üzə çıxır.

2014-cü ildə çəkilmiş Fransa istehsalı komediya janrlı bu filmin rejissoru Filipp de Şovrondur. Baş rolları Kristian Klavye, Şantal Lobi, Ari Abittan və Medi Sadun canlandırıb.