İnciçiçəyi

Əyalətdə böyüyən Zoya Misoçkina böyük səhnələrdə mahnı oxumağı arzulayır. Lokotki şəhərciyinin polis bölməsində təsadüfən iki paytaxt prodüseri, Pridorojnı və Bolotovla qarşılaşır. Həmin vaxt hər iki menecerin əsas ulduzu İrma onları tərk edib qaçmışdı.

Şansını əldən vermək istəməyən gənc qız yeni tanışlarının ardınca gedir və onların mənzilində məskunlaşır. Zoya tezliklə anlayır ki, ciddi görünən bu kişilər əslində çox qəribə və məzəli insanlardır. Qızın qarşısında uzun vokal dərsləri, gözəllik salonları, idman məşqləri və təqdimatlar dayanır, çünki prodüserlər onu yeni pop ulduzuna çevirmək niyyətindədir.

«İnciçiçəyi» («Landış serebristıy») musiqili komediya və melodram filmi rejissor Tiqran Keosayan tərəfindən 2000-ci ildə Rusiyada çəkilib. Baş rolları Olesya Jeleznyak, Yuri Stoyanov, Aleksandr Tsekalo və Vladimir İlyin canlandırıb.